नवी मुंबई – दिव्यांग हक्कांसाठी लढणाऱ्या प्रहार दिव्यांग क्रांती संघटनेच्या धडाकेबाज मोर्चामुळे आजचा दिवस ऐतिहासिक ठरला. जुईनगर येथील दिव्यांग स्टॉलधारक श्री. प्रकाश जाधव यांच्या स्टॉलवरून सिडको अतिक्रमण विभागाने जप्त केलेली रसवंतीगृहाची यंत्रणा अखेर प्रशासनाने परत करण्यास मान्यता दिली.
बेलापूर रायगड भवनावर प्रहारचा जल्लोषात मोर्चा
सकाळपासूनच रायगड भवन परिसर घोषणांनी दुमदुमून गेला होता. मोठ्या संख्येने दिव्यांग बांधव, पदाधिकारी आणि कार्यकर्ते मोर्चात सहभागी झाले.
घोषणांनी वातावरण तापले—
-
“अन्यायाविरुद्ध प्रहार!”
-
“दिव्यांगांवर कारवाई नको!”
-
“हक्क आमचे आम्ही घेणार!”
चर्चेदरम्यान तणाव — तरीही संयमाने पुढे लढा
अतिक्रमण विभाग प्रमुख भरत ठाकूर यांच्याशी प्राथमिक चर्चा झाली. त्यानंतर प्रतिनिधींना बैठकीसाठी बोलावण्यात आले; मात्र अचानक गेटवरच प्रहार पदाधिकाऱ्यांना अडवत बैठक नाकारण्याचा प्रयत्न प्रशासनाकडून करण्यात आला.
क्षणभर तणाव निर्माण झाला, तरी प्रहारच्या कार्यकर्त्यांनी संयम राखत ठाम भूमिका कायम ठेवली.
प्रशासन झुकले — यंत्रणा परत
दीर्घ संघर्षानंतर प्रशासनाने अखेर माघार घेतली.
सायंकाळी 6:30 वाजता जप्त केलेली रसवंतीगृह यंत्रणा पुन्हा श्री. प्रकाश जाधव यांच्या स्टॉलवर पोहोचवण्यात आली.
यावेळी परिसरात घोषणांचा कडकडाट, टाळ्या आणि भावनिक वातावरण उसळले.
हा केवळ एका व्यक्तीचा नव्हे, तर संपूर्ण दिव्यांग समाजाचा विजय
या निर्णयाने दिव्यांगांच्या आत्मसन्मानाची पुनर्स्थापना झाली, असे प्रहारच्या पदाधिकाऱ्यांनी सांगितले.
संघटनेच्या म्हणण्यानुसार,
“दिव्यांग हक्कांवर कुणी हात घातला तर प्रहारचा मोर्चा थांबत नाही—तो न्याय मिळाल्याशिवाय परतत नाही.”
